Kisa resansman Djaspora ye ?

Depi plizyè ane, fenomèn imigrasyon fòse Ayiti pèdi yon gwo kantite entèlektyèl ak pwofesyonèl ki te ka pote kontribisyon esansyèl pou devlopman peyi a. Anpil jèn gason ak fanm, chaje ak talan, fòmasyon, ak rèv pou ede peyi yo, oblije kite tè natif natal yo akoz yon leta mal òganize, ensekirite, ak mank opòtinite. Lòtbò dlo, yo chache yon lavi miyò men souvan konfronte difikilte ki fè yo bliye rasin yo.
Resansman Djaspora, yon inisyativ vanyan Tching Adams Réjouis (TAR), se yon pwojè vizyonè ki gen pou misyon kreye yon pon solid ant djaspora ayisyen an ak peyi manman an. Inisyativ sa a pa sèlman ap ede rekonèt ak konekte kapasite djaspora a, men li vize tou soutni Ayisyen yo k ap retounen, espesyalman sa yo ki viktim depòtasyon, pou yo jwenn yon fason entegre tèt yo nan sosyete a san yo pa oblije rekòmanse lavi yo nan zewo.

RE-ENTEGRASYON

Tout Ayisyen yo pral depòte isit yo,pa initil,ni viktim,se sòlda yo voye tounen ba nou pou mete men nan chanjman nouvèl Ayiti a. Yo te jis al pran fòmasyon an lòt kote pou itil peyi yo. Kounya jou a rive pou nou rebati lakay avèk konesans nou tal pran lòt kote. Chak Ayisyen ki retounen sipoze jwenn kote pou li egziste antanke sitwayen kap kontribiye nan devlopman kominote l pandan lap itil tèt li an menm tan. Nan KREYASYON ak EKSPLWATASYON resous ki a dispozisyon nou yo nan zòn stratejik yo. Konsa chak grenn oubyen chak gwoup djaspora ap kapab patisipe aktivman nan bon fonksyònman kominote li nan mete mwayen pou li egziste antanke manm yon vil oubyen yon pwovens ki gen anpil potansyèl men ki pa gen moun ki pou itilize potansyèl sa yo.

ÒGANIZASYON

Leta pa sèl mekanism ki ka ede nou e lèl absan fòk nou kreye yon lòt sistèm endepandan de li pou nou sove tèt nou. Jis nou rive estabilize resous nou genyen nan men nou pou nou abouti ak rezilta ki ap bon pou nou. Paske si n pa mete tèt ansanm pou nou sove tèt nou nan pran bon jan desizyon. Pèsonn pap fèl pou nou. Nan sans sila a nou bezwen antre nan yon sistèm ki deja tabli e byen òganize pou nou vanse nan tout aktivite,evènman oubyen mouvman nou ta dwe mennen pou byennèt kolektif la.

Tout kote,nan tout kominote gen ÒGANIZASYON. Yon òganizasyon ki baze sou yon seri objektif ke nou mete espesyalman pou nou atenn. Avèk dat limit e avèk previzyon. Yon ekip ki pwofesyonèl nan mete bon jan estrikti deja an plas pou akonpànye chak grenn gwoup oubyen endividyèl ki deja fè pati de youn nan mouvman ki etabli pou lanse yo. Avèk bon jan òganizasyon. Nap evite anpil sipriz. Nap pran mwens reta nan pwosesis yo. Avèk yon sistèm transparans nou kapab rive swiv chak etap avèk atansyon e metòd ak disiplin pou mennen dewoulman pwojè yo nan dènye bout yo. E n ap kapab rive mete kanpe yon sistèm ki bay rezilta. Yo n rezilta ki nan avantaj chak grenn sitwayen Ayisyen ki kwè nan byennèt, pwogrè avèk devlopman.